ان قلت احبك

إن قلت أحبك تريني صادق احبـك :: وافخر بحبك امام النـاس واتباهـا
ياكثر احبك اجـل ياكثـر ماحبـك ::في خاطري إنك الدنيـا وسلواهـا
ياكثر ما اغليك في قلبي وليش إنك ::ملاك في صورة إنسان الله انشاهـا
احـب كلمـة احبـك لنـي احبـك ::يا احب ما فا البشر والكون واغلاها
ياليت تدرين عني كيف انـا احبـك ::تلقينك إنتي سرور النفس وامناهـا
إنكان حبي بقلبـك ذاب مـع دمـك ::فانتي عروقـي وحبـك دم يملاهـا
ياكثر فرحي ليا البسمه بدت منٍـك ::يموت حزني وتحيا الروح بهناهـا
وياكبر حزني ليا البسمه غدت منٍك ::تضيق بي واسع الدنيا من اقصاهـا
الأرض باللي حوتها ماتجي جنبـك ::ابدعك من صور البسمه وسواهـا
البدر في ليلة النص يستحي منـك ::لا شاف خدك وشاف العين محلاها
والشمس خلف السحابه تندرق عنك ::من نور خدك تخاف الناس تنساهـا
والليل دايم حزين ويشتكـي منـك ::كيف إن نورك ملا الدنيا وغطاهـا
حتى وحوش البراري تشتكي منـك ::ما عاد تلقى ضلام الليـل مسراهـا
إذا ابتسمتي يلوح البرق من فمـك ::لمعة ثناياك مثل البرق في إضياهـا
وإذا مشيتي احس الأرض بتضمـك ::ما كن رجلك تدوس الأرض وتطاها
حمامة الدوح تنصت إحترامـا لـك :: إذا هرجتي وتوقف عـذب مغناهـا
والنحل يترك زهور الورد لا شمـك ::يعاف حتى زهور الـورد يرعاهـا
نبع الشهد من حلاته في وسط فمٍك ::لو ينمزج في بحور الكون حلاهـا
ليتك بجنبي غصن ريحان واشمٍـك ::وارويك من دمع عيني صافيا ماها
وإنضاق صدري وزاد الهم اجي يمٍك ::القا همومي تبـدد منـك وانساهـا
انشهد إنك ملاك الـروح وإن إنٍـك ::في منزله عن جميع الناس معلاهـا
كتبت في نون عيني كلمـة احبـك ::وانتي حبيبي بنون اعيونك اقراهـا
اعيش طول العمر جنبك وما ملـك ::وشلون بنسى حيات السعد واسلاها
سرور قلبي يزيد ويكتمـل جنبـك ::وراحت البال عنـدك دايـم القاهـا
لو تاخذ الناس باقي طيبهـا منـك ::الحقد يفنى من اقصى الأرض لدناها
خذي عيوني وخليهـم عبيـد لـك ::اعز مملـك لعـز النـاس تفداهـا
الله يجعل في الجنـات منـزل لـك ::حرام مثلك على النيـران تصلاهـا