الروح وحدة ما لها الناس روحيـن..
..والدين واحد وفي البشر الف ملــه
فرحة فقير ولا همـوم السلاطيـــن..
..سيف الغني بوجه الضعيف تسلــــه
حلوين بس ما ندري ليه حنا حلوين..
..تسمع عن الايمان وبس مـا تدلــــه
ياالشاعر اللي يتبعه كـم غاويـن..
..وياالقلب يلي تنزف اليـوم علــه
من قبل ترحل كم نجم كانو ضاوين..
..واليوم منهو تحتمي تحـت ضـلــــه
لو كل واحد يعترف انه مـن طيـن..
..ماغرته نفسه علـى ظلـم خلـــــه
يومين بس في همها تقول عاميــن..
..والصبر كله بداخلـي فـش غــلــه
مـو عادتـي انـي ادور مقفـيـن..
..بس ميزتي من جاء له القلب كلـه